Sý tasqyny. 7 óńirde 435 jeke turǵyn úı men 329 aýla sý astynda qalyp otyr

Sý tasqyny kezeńi bastalǵannan beri Túrkistan, Aqtóbe, Qostanaı, Batys Qazaqstan, Ulytaý, Abaı, Aqmola oblystarynda 4 694 adam, onyń ishinde 1 682 bala qutqaryldy jáne evakýasııalanǵan. Bul rette tartylǵan áýe kemelerimen 447 adam, onyń ishinde 180 bala evakýasııalandy. Bul týraly Tótenshe jaǵdaı mınıstrligi habarlady.

TJM málimetinshe, mınıstrlik pen ákimdikter 2,3 mln. m3 astam erigen sýdy soryp, 162 myńnan astam qapshyq jáne 31 587 tonna ınertti materıal tósegen.

Sý tasqynynan eldiń 7 óńirinde 435 jeke turǵyn úı men 329 aýla, sondaı-aq Aqtóbe oblysynda 75 saıajaı úıi men 9 ǵımarat, kóp qabatty turǵyn úılerdiń 12 aýlasy, Aqmola oblysynda balabaqsha men TJ aýrýhanasy sý astynda qalyp otyr.

18 avtojoldy, onyń ishinde 4 kópir jáne 14 jol tósemin sý shaıyp ketken. 26 eldi mekende kólik qatynasy joq.